was du schon immer über Chrisi Le Qü lesen wolltest
  Startseite
  Archiv
  Über...
  Unter...
  Links...
  Rechts...
  Gästebuch
  Abonnieren
 


 

http://myblog.de/le-q

Gratis bloggen bei
myblog.de





Links
  es Heer vo Smileys
  yäni - °+mis gstuss+°
  Nettlä
  LeHonk - die Welt entdecken
 
FTA oder Hau tu meikk e Mönüplan

Bekanntlech bini drann, mir e interregionali Reputation aus Herr der Töpfe z schaffe. Nach 2004 u 2005 bini zum dritte Mau imene Kurs vor Pfadi Kanton Bärn aus Choch derbi - nach 2005 zum zwöite Mau ar site vom K imene Basiskurs.
Was da die agehende und bestandene Leiter aus erwartet, chunnt vilech i dene paar Zile chli zum Usdruck...


An Q von K; 15.03.06, 10:23
Hey chris. Mache mr mau e menueplan höck? Morn morgä oder ire wuche DO dr 23. gieng mir no guet? Wie gsehts bi dir us? K

Scho einisch het dä guet Mönsch amene Donnschtigmorge i auer Herrgottsfrüechi wöue e Höck mache - siehe letscht Itrag...

An K von Q; 17.03.06, 15:36
Hey Kay! Nächst Do tönt guet. Hoffe i ma uf... LGQ

Am gliche Abe isch ja zum Glück no HV gsi, u da heimer daschli gnauer chönne berede. Vor auem de när no, z Bärn im Chreissaau mit Oli, B, Pädu u Evä. Immerhin heimers uf Morge am Nüni feschtgnaglet, isch no haubwägs human.




An Q von K; 22.03.06, 19:44
Remember, remember - the 23. of march... :-) morgen um 0900 am TP für Basis-Menueplan. Gruss K

Dä guet Cheib. Itz chani emu nüm säge i heigs vergässe... Item, Wecker steue uf viertuvor achti.

Am haubi nüni bini de erwachet, u ds erschte, woni gmacht ha, isch es SMS gschribe. Leider vom PC us, so dass i dr Wortlut nume ungefähr cha wiedergä:

An K von Q; 23.03.06, 08:35
Achtung achtung, es folgt eine Durchsage. Der Flug FTA-079 hat zirka 30 Minuten Verspätung. Reisende für den Flug FTa-079...

:-)


När ab unger d Duschi, d Muetter ir Chuchi verchlüpfe womi sit emne Monet nie so früech am Morge het gseh, u de huschdihusch a Bahnhof.

Im Zug no d Tschitsch troffe u offebar würklech nid sone fitte Iidruck hingerla... Aber si kennt mi ja zum Glück fasch nid angersch. Natürlech hani bis ufene Block aus vergässe, wo nützech wär gsi: Ufzeichnige vo früechere Mönüplän, ds Grobprogramm...
An K von Q; 23.03.06, 09:17
U da hocki auso i däm Zug wo so schnäu fahrt u dusse flitzt grad ds Shoppy düre Räge u irgendwie isches haut schono schampar früe u i sehne mi nacheme Kafi

An Q von K; 23.03.06, 09:19
hange im cote sud obä im bh

Aha, me machts sech auso gmüetlech!
Rächt het er gha, dr K wo sech e Fänschterplatz het usgsuecht u i si Läptopp vertieft gsi isch, woni mit "Surfin' USA" ide Ohre is Côte Sud bi cho. U da het er tatsächlech dr letschtjährig Plan u ds dasjährige GP u scho dr Mönüplan im Grobriss entworfe. es cha losga.
"Föh mr mit de Zmorgemodul a? Ds Basismodul isch öppe dsgliche, chli meh Brot, meh Miuch..." de gits sozsäge Ufboumodul derzue, wo je nach Zämehang draknüpft wärde: so im Stiu vo "+15 grosse Joghürter, +3 Säcke Kornfleggs, -1kg Brot" So richtig induschtriell bau. ds Zmorge isch (bis uf wenigi Usnahme) haut scho das Mönü, wo me am wenigschte Fantasie cha drizoubere. ersch rächt wes zwar nahrhaft söu si, aber glich mänggisch chli e karge Iidruck söu hingerla...

När geits dr chronologische Reihefoug na dürd Mönü. U die chani itz nid eifach so uflischte, süsch müessti ja ds ganze Programm verrate, u wär weiss, ob das nid dr eint oder anger lst wo nid sött... Jedefaus heimers mit bsungere Rahmebedingige ztüe, unger angerem mit zwöine Chuchine, Versorgigsschwierigkeite u viu Prunk zwüschedüre. Und es Budget vo 2500 Stutz, wo für 45 Pärsone muess länge, u zwar für 7 Täg, ohni Hike zwüschinne. Aber es paar Highlights haut glich...

Nach afänglechem Prunkfeschtässe (Hmm, aber so Ragu isch soutüür. Nämemer Pule? - Scho wieder? - Oder de haut es Rouschinkli, das gits ou vo Bütschee. - Ja aber das isch do kompakt, u gröicheret, u irgendwie... Oder Suppefleisch! Das isch o günschtig! No chli ir Sosse la schmore, u de sägemer eifach, das sig Kameufleisch. Es git ja chuum öppis angers hie...) wirds de mau knapp. "De fuehremerne sone wüeschti Suppe, womer grad chli Räschte chöi verwärte. Heimer e Mixer?" Wird no abklärt, süsch nimi de üse mit... FTA...

"U wäg de Sparglesieche: Statt das mer die eifach id Pfanne gheie, chönnt me se platzsparend ufsteue." - "Genau, u de es chlises Gsteu derzwüsche u obedruf no grad e zwöiti Laag!"
Dr Sieb-satz het letscht Jahr übrigens gfäut; dr Simu het de eifach e Lag Gablene id Pfanne gleit. Ou e Müglechkeit.

"Machemer zum Zmizzag wieder mau sones Beschlöinigungsmüesli? Mir chöi ja no paar exotischi Frücht drihacke, damits echli passt..."

"U ds Abschlussässe... Irgendöppis à discrétion, wo si so richtig chöi schufle, u glich öppis biuigs... E Bärg Nuudle... Es Bami Goreng? So wüescht wie am WW-Ässe? Eifach dri, was drimuess? Oder i tuusig Schüsseli verteilt, damit aui chli säuber chöi zämesetze, was ne passt?..."

Ja, ds Resultat laht sech la gseh. I gloube, mir si nid nume im Budget, sondern chöi ou no chli zoubere mit dene Mönü. Schliesslech betrachte mir üs aus experimentelli Kulinariker, nid aus liideschaftlechi Gourmets. FTA!




Schwarzeburgerland, e Fritig Abe im Apriu 2005: Kurs-Vorabe, u mir wei afe is Heim uf haubem Wäg zur Süftene. Mir hei ds Outo weni belade gha, u es het liecht gschneit. "Hmm, hoffentlech tuet das nid auzu bös. I ha ja scho no d Winterpnö druf, aber mit dr Zit wirds de glich ungmüetlech... - Hesch d Schneechöttine drbi? - Scho, aber bi dere Cheuti u im Dunkle mani die nid druftue". Echli wärweise, dr gross Parkplatz ir Riffematt isch scho düre. Erschti Kurve. "Äääääh, fakkdemmoooll!"
Es isch emu guet gange. Aber dr Usdruck FTA aus Synonym für "was geits üs a was me sött u wie mes miech u was die angere würde säge we si das aus wüsste?!" isch zum Leitmotiv vo üsem gastronomische Würke worde...
24.3.06 23:56
 


Werbung


bisher 18 Kommentar(e)     TrackBack-URL


*yäni* @simplex :) / Website (27.3.06 12:40)
so. itz ha ou ig zit gha, di iitrag ds läsä!

mhm.. tönt ganz übel.. zum glück muäsi nid ässä was du chochsch.. würdi sowiso niäää freiwiuig *husthust*


Chrisi Le Qü (27.3.06 14:26)
Nei, nie. Us überzügig.
Steu dr vor, we's angersch wär. Nid uszdänke.


*yäni* / Website (27.3.06 23:51)
genau.. de wäri hüt äuä nümm da. und de würtsch ja du ou no öppis für MI machä?? so richtig freiwiuig weisch.. wär ja vrheeränd!


Chrisi Le Qü (27.3.06 23:57)
Nei fautsch, das wär de nume für mi. Dr Gedanke, dass du när nüm da wärsch, het scho si Reiz...
Angry Cat


*yäni* / Website (28.3.06 00:04)
hehe..

abr weisch, sötsch viläch no dr / usänäh odr irgänd öppis angrs ändärä..


Chrisi Le Qü (28.3.06 11:46)
Hmm, uf die Plugins isch eifach ke Verlass. Nid emau HTML chöi si, heieiei.

Angry Cat


Chrisi Le Qü (28.3.06 11:47)
Itz gloubi de langsam dra, dass me i de Kommentare keni Biudli darf verlinke oder generell ke HTML darf bruche


*yäni* @simplex :) / Website (29.3.06 08:38)
ooh.. gutschiguuu ;P muäsch nid briäggä weisch.. s'chunnt de auäs widr guät ..

und mir hei doch mau ä diskussion gha übr smäilis und nonverbali kommunikation u so! mhm! dert heschäs ämu no chönnä ;P


(29.3.06 12:30)
*heulschluchzweinseufz*

mit externe Smäilis?


*yäni* @simplex :) / Website (29.3.06 14:59)



*yäni* @simplex :) / Website (29.3.06 15:05)
huärä siiäääch! äs hätt äs *nick*-smäili söuä sii och.. wüu äs si gloub scho externi gsi! *forsch*


Chrisi Le Qü (29.3.06 18:39)
Und? Du hesch ja Zit gha zum Forsche, hesches gfunge?


*yäni* @simplex :) / Website (30.3.06 12:17)
ja hani. hesch ja gseh ;P abr meinsch äs sig ä fählr und irgändeinisch geiz de widr? schisst schüsh irgändwiä hurä ah!


Chrisi Le Qü (30.3.06 17:24)
I nime a, das isch mau gange, u itz hei sis deaktiviert. Süsch chame ja da ganzi Landchartene aus Kommentar ifüege, isch när ou huere müehsam...


*yäni* / Website (31.3.06 00:58)
ja scho.. abr fingäs dumm. ds cha ja de dr benutzr säubr sägä, dasmä ds nid söu! mann..


Chrisi Le Qü (31.3.06 02:26)
weiss nid, was los isch, aber bi mir geits wieder!


Chrisi Le Qü (31.3.06 02:28)
weiss nid, was los isch, aber bi mir geits wieder!


*yäni* @simplex :) / Website (31.3.06 08:45)
juhui, i gsehs ou!

ehm.. chlinä tipp: ds gurtäprogramm (ämu viu drvoo) isch online ! und itz muäsch losä: danko jones!!!! är isch dobää!! abr nattüüüüürläch am friti nami, scho guäääät schisst mi u ah

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung