was du schon immer über Chrisi Le Qü lesen wolltest
  Startseite
  Archiv
  Über...
  Unter...
  Links...
  Rechts...
  Gästebuch
  Abonnieren
 


 

http://myblog.de/le-q

Gratis bloggen bei
myblog.de





Links
  es Heer vo Smileys
  yäni - °+mis gstuss+°
  Nettlä
  LeHonk - die Welt entdecken
 
FTA oder Hau tu meikk e Mönüplan

Bekanntlech bini drann, mir e interregionali Reputation aus Herr der Töpfe z schaffe. Nach 2004 u 2005 bini zum dritte Mau imene Kurs vor Pfadi Kanton Bärn aus Choch derbi - nach 2005 zum zwöite Mau ar site vom K imene Basiskurs.
Was da die agehende und bestandene Leiter aus erwartet, chunnt vilech i dene paar Zile chli zum Usdruck...


An Q von K; 15.03.06, 10:23
Hey chris. Mache mr mau e menueplan höck? Morn morgä oder ire wuche DO dr 23. gieng mir no guet? Wie gsehts bi dir us? K

Scho einisch het dä guet Mönsch amene Donnschtigmorge i auer Herrgottsfrüechi wöue e Höck mache - siehe letscht Itrag...

An K von Q; 17.03.06, 15:36
Hey Kay! Nächst Do tönt guet. Hoffe i ma uf... LGQ

Am gliche Abe isch ja zum Glück no HV gsi, u da heimer daschli gnauer chönne berede. Vor auem de när no, z Bärn im Chreissaau mit Oli, B, Pädu u Evä. Immerhin heimers uf Morge am Nüni feschtgnaglet, isch no haubwägs human.




An Q von K; 22.03.06, 19:44
Remember, remember - the 23. of march... :-) morgen um 0900 am TP für Basis-Menueplan. Gruss K

Dä guet Cheib. Itz chani emu nüm säge i heigs vergässe... Item, Wecker steue uf viertuvor achti.

Am haubi nüni bini de erwachet, u ds erschte, woni gmacht ha, isch es SMS gschribe. Leider vom PC us, so dass i dr Wortlut nume ungefähr cha wiedergä:

An K von Q; 23.03.06, 08:35
Achtung achtung, es folgt eine Durchsage. Der Flug FTA-079 hat zirka 30 Minuten Verspätung. Reisende für den Flug FTa-079...

:-)


När ab unger d Duschi, d Muetter ir Chuchi verchlüpfe womi sit emne Monet nie so früech am Morge het gseh, u de huschdihusch a Bahnhof.

Im Zug no d Tschitsch troffe u offebar würklech nid sone fitte Iidruck hingerla... Aber si kennt mi ja zum Glück fasch nid angersch. Natürlech hani bis ufene Block aus vergässe, wo nützech wär gsi: Ufzeichnige vo früechere Mönüplän, ds Grobprogramm...
An K von Q; 23.03.06, 09:17
U da hocki auso i däm Zug wo so schnäu fahrt u dusse flitzt grad ds Shoppy düre Räge u irgendwie isches haut schono schampar früe u i sehne mi nacheme Kafi

An Q von K; 23.03.06, 09:19
hange im cote sud obä im bh

Aha, me machts sech auso gmüetlech!
Rächt het er gha, dr K wo sech e Fänschterplatz het usgsuecht u i si Läptopp vertieft gsi isch, woni mit "Surfin' USA" ide Ohre is Côte Sud bi cho. U da het er tatsächlech dr letschtjährig Plan u ds dasjährige GP u scho dr Mönüplan im Grobriss entworfe. es cha losga.
"Föh mr mit de Zmorgemodul a? Ds Basismodul isch öppe dsgliche, chli meh Brot, meh Miuch..." de gits sozsäge Ufboumodul derzue, wo je nach Zämehang draknüpft wärde: so im Stiu vo "+15 grosse Joghürter, +3 Säcke Kornfleggs, -1kg Brot" So richtig induschtriell bau. ds Zmorge isch (bis uf wenigi Usnahme) haut scho das Mönü, wo me am wenigschte Fantasie cha drizoubere. ersch rächt wes zwar nahrhaft söu si, aber glich mänggisch chli e karge Iidruck söu hingerla...

När geits dr chronologische Reihefoug na dürd Mönü. U die chani itz nid eifach so uflischte, süsch müessti ja ds ganze Programm verrate, u wär weiss, ob das nid dr eint oder anger lst wo nid sött... Jedefaus heimers mit bsungere Rahmebedingige ztüe, unger angerem mit zwöine Chuchine, Versorgigsschwierigkeite u viu Prunk zwüschedüre. Und es Budget vo 2500 Stutz, wo für 45 Pärsone muess länge, u zwar für 7 Täg, ohni Hike zwüschinne. Aber es paar Highlights haut glich...

Nach afänglechem Prunkfeschtässe (Hmm, aber so Ragu isch soutüür. Nämemer Pule? - Scho wieder? - Oder de haut es Rouschinkli, das gits ou vo Bütschee. - Ja aber das isch do kompakt, u gröicheret, u irgendwie... Oder Suppefleisch! Das isch o günschtig! No chli ir Sosse la schmore, u de sägemer eifach, das sig Kameufleisch. Es git ja chuum öppis angers hie...) wirds de mau knapp. "De fuehremerne sone wüeschti Suppe, womer grad chli Räschte chöi verwärte. Heimer e Mixer?" Wird no abklärt, süsch nimi de üse mit... FTA...

"U wäg de Sparglesieche: Statt das mer die eifach id Pfanne gheie, chönnt me se platzsparend ufsteue." - "Genau, u de es chlises Gsteu derzwüsche u obedruf no grad e zwöiti Laag!"
Dr Sieb-satz het letscht Jahr übrigens gfäut; dr Simu het de eifach e Lag Gablene id Pfanne gleit. Ou e Müglechkeit.

"Machemer zum Zmizzag wieder mau sones Beschlöinigungsmüesli? Mir chöi ja no paar exotischi Frücht drihacke, damits echli passt..."

"U ds Abschlussässe... Irgendöppis à discrétion, wo si so richtig chöi schufle, u glich öppis biuigs... E Bärg Nuudle... Es Bami Goreng? So wüescht wie am WW-Ässe? Eifach dri, was drimuess? Oder i tuusig Schüsseli verteilt, damit aui chli säuber chöi zämesetze, was ne passt?..."

Ja, ds Resultat laht sech la gseh. I gloube, mir si nid nume im Budget, sondern chöi ou no chli zoubere mit dene Mönü. Schliesslech betrachte mir üs aus experimentelli Kulinariker, nid aus liideschaftlechi Gourmets. FTA!




Schwarzeburgerland, e Fritig Abe im Apriu 2005: Kurs-Vorabe, u mir wei afe is Heim uf haubem Wäg zur Süftene. Mir hei ds Outo weni belade gha, u es het liecht gschneit. "Hmm, hoffentlech tuet das nid auzu bös. I ha ja scho no d Winterpnö druf, aber mit dr Zit wirds de glich ungmüetlech... - Hesch d Schneechöttine drbi? - Scho, aber bi dere Cheuti u im Dunkle mani die nid druftue". Echli wärweise, dr gross Parkplatz ir Riffematt isch scho düre. Erschti Kurve. "Äääääh, fakkdemmoooll!"
Es isch emu guet gange. Aber dr Usdruck FTA aus Synonym für "was geits üs a was me sött u wie mes miech u was die angere würde säge we si das aus wüsste?!" isch zum Leitmotiv vo üsem gastronomische Würke worde...
24.3.06 23:56


Werbung


Schnee u Gstürm

Wie verpackt me 2 Wuchenänd i eis? Ganz eifach: Seriell schaute. Vomene Tanz uf zwe Hochzite u verschiedene Lüt handlet dä churz Bitrag. Natürlech isch das e verlägnige Versuech, mim Blog wieder chli Läbe izhuuche...

Achtung: Dä Bitrag chönnt de echli lenger wärde...


Mäntig Abe spät, 27. Februar: No so nachem Training hani scho mau ufem Natel gseh, dass mi irgend sone komischi Nummere het wöue. Combox - dr Hamschter, üse Kurs-Oberleiter. So vo wäge Höck am Fritig z Bieu. Wüu die Nummere geng bsetzt isch gsi, hanim de versuecht ufds Natel azlüte. Isch gar nid so eifach, we ufdr Adrässlischte nume e 075er-Nummere steit... Dass die fautsch isch, hani de gli mau usegfunge. Item, lütemer ihm mau hei a, u wie die Schiggse heisst woni usem Näscht glüte ha weiss i ou nid. Jedefaus hanine de erreicht (wosch no grad am Dimitri hallo säge?" - "Hallo Dimitri!"), u är het mer speter zrüggglüte. Ir Zwüschezit isch mer i Sinn cho, dass är mir ufdr Combox het verzeut, i söu diräkt d Fiori frage, wo si genau wohni. Machemer doch das, u zum Glück het si ou es Natel, süsch hätti wou ihri eutere zum Näscht us glütet. Si wohnt itz schliesslech ir Autstadt ire WG. Ire Hammer-WG, muess me säge.
Mittwuch, 1. März: Es SMS a K. "Hey Kay, bisch du itz drbi am Fr Abe z Bieu? wie wärs, wemer üs mau Gedanke zumene Menü mache? LG Q" KLar doch, Donnschtig Morge am Nüni z Bärn. I ha di ou gärn =)

Item, am Donnschtig Mittag bini de ufgstange, tuusig mau sorry, item, es Chicken Curry müessemer ja nid gross plane. Aber um das wärs ou nid gange

Fritig Mittag, 3.März: Nach dr Schueu schnäu hei, packe. Us schnäu isch 3 u meh worde, so dass i ds Gfüeu ha gha, lömer das mitem no churz is Büro ga hallo säge. No meh packe, aus wome für zwöi Wuchenänd brucht. U Mamis Päckli, woni de mau muess abliefere. U de ab is Outo, richtig Schönbüeu.
Aus, wome brucht? zwöi paar Schue, si hei nasses Wätter gmäudet. E Schirm hani immer im Outo, dr Huet, dr Schlafsack, ... Ah ja, e dichti Jagge wär no guet gsi, statt nume e Fäsu. Henu.
Auso, ab i Lade, ichoufe was me ou immer irgendwie ines Curryriis mit Frücht u Pule cha inegheie (zum Glück gits dr Dimitri, es wär schad gsi um au die feine Sache...
De mau dr K ufgablet, u ab geits düre Strömend Räge uf Bieu. U afe mau dr MP3-Player richtig isteue: hello hello.... hello hello... unos - dos - tres - catorze!
Bieu. Wo simer? Hie, nimm mau das Plänli. U was mache die da vore ufdr Chrützig, heieiei? Aha, Uffahrunfau. Jänu, witer, da vorne geits de mau linggs - eh, rächts, was hie?, ja!, ok, u itz müesstemer doch irgendwo... das isch die Kurve da... Mir si diräkt vorem Huus düre gfahre, meh uf dr Suechi nachemne Parkplatz, u de no zwöimau vor düre gloffe bis mers gfunge hei.
Dummerwys hei di angere ihre Höck ir Chuchi gmacht, so heimer nid ungstört chöne zoubere... Aber glunge isch üs die Sach mau wieder, Säubschtlob hin oder här, K&Q rocke die Töpf eifach mau für mau. Sogar ohni Musig.

När het sech dr K leider wieder müesse verabschiede u het mi elei gla mit au dene frömde Lüt... Si hei de no ghöcket, u ghöcket, u i no chli Weltwoche gläse, u irgendeinisch hets de gheisse, mir gö itz is Pfadiheim vo Jura-Bieu. Cool, wo isch das? OK, i fahre dr nache. Auso zum Glück, muess me säge, wüu d Fiori isch im Züg ume graset, i hätt mi scho lang verloffe gha...
Auso: Pfadiheim Jura-Bieu, Fritig Abe sehr-spät. Drbi si: Dr Hamschter, üse Boss; dr Dimitri, dä mit de wenigschte Haar; dr Nauta, dä mit de meischte Haar; d Nuvola, üsi Vizebossin; dr Logo, dä vo Thun gloub; d Fiori, üses Jüngschte im Umzug. U i. Gschichtli verzeue, Chüssischlacht, blödi Spieli à la Chüe zeue ufdr Weid u Meiere mit eim Würfu. U de mau us au dene Sofas u Matrazene es paa Gliger häresteue. Zwüschedüre no e Bütschee-Miuchschnitte, für aui. Ou füre Dimitri, das het me müesse fötele. U de mau schlafe. Stömer am haubi nüni uf?

Samstig Morge, 4. März, sibni: Wäm sini Uhr pipset da? Sorry zäme. Dr Choch gieng itz ga früschi Gipfeli bache...
E Stung speter simer de mau uf, zmörgele, käfele, u am nüni use. Es het gschiffet. Mir gö z Fuess i Waud. I ha no d Turnschueh an. Im Waud hets Schnee. Mini Füess wärde nass, u dr Dimitri liidet mit mir. U irgendwo hie sötts de es Biwak gä...

Gömer zrügg, u äbe, mir gö mit eim Outo, irgendwo steit da im Quartier e grosse Chrysler, womer aui 7 Platz hei. I ha d Schue, aber nid d Socke, vorhär no gwächslet. Fiori, los geits!
Ab uf Predorwää, ines Naturfründehuus. Is gliche, woni letscht Summer scho kochet ha. Juhuii, düre Töifschnee näb dr Pischte ufe, wüu dr Wäg vou zuegschneit isch! Das isch ja no eis; dr gfrohrnig Matsch ufem schmale Strässli vo Orvin ufe isch de ds angere gsi. Grad denn, wo ds Poschi isch entgäge cho u dä schwär Chrysler nüm vorwärts u ou nid rächt rückwärts het wöue, het mer üsi Schoffööse afa leid tue...
Im Huus heimer sofort aus müesse aluege, wiemes so macht; statt d Azau Näschter pro Zimmer het mi viu meh dr Inhaut vo aune Chuchischäftli u Schubladene intressiert. Mit öppe 100 Föteli hani das aus fiin süberlech füre K dokumäntiert.
Am haubi eis heimers gseh gha; weimer itz no id Beiz, oder gömer gschider scho uf Lesemibua übere, de simer emu de dert? Ja, los, gömer. Zum Glück heimer üs so entschiede. Mir hei zwar dr Wäg guet gfunge, aber unger dene Bedingige fahre nid emau ig gärn. Ds Les Emibois simer de grad schnuerstraks zum Huus, ou echli düre Töifschnee, ud Vermieterin het scho gwartet. Oh Schreck, mir si da so öppis vo zmitts im Jura, da mues me sogar ds Kafi uf franz bsteue! U "Aïe!" säge, weme dr Gring aschlaht! Ou die Chuchi isch dr Hammer, schad, simer nume e haubi Wuche dert. När geits ab id Beiz, echli ga höcke, vor auem übere Lagerpakt... "Was, du rouchsch?" Hmm, ja, chunnt vor. "Aber bisch nid Chetteroucher?" Hmm, weni Zit ha, rouchi ou Chöttine. Aber die Zit wird mer de wou fähle Jedefaus si die Lüt zum Teil nid so gmerkig, oder si am Morge bim Waudspaziergang, am Abe vorhär bim Outo hole etc. mit de Gedanke nid drbi gsi. Egau, was usem Lagerpakt wird, entscheide d TN, mir setze eifach Mindescht-Standards.
Während däm Hamschter, Nauta u Logo no si öppis ga recke (düre Töifschnee, wo mittlerwile ou usem Himu isch cho), heimir no chli am rote Fade witergspunne. Pünktlech am haubi sächsi (ds Café isch am füfi zue, u mir si zum Bahnhof ga warte) si die drü Herre zrügg gsi, u mir si wieder Bieu-wärts, u uf dr Heimfahrt heimer de öppe aus nomau i Frag gsteut, womer am rote fade gänderet hei...
Z Bieu no chli im Heim umegirrt, de hani mi de mau verabschiedet. Paar hei de ou no grad a Bahnhof müesse. Nauta, Dimitri u Logo heisech auso i mi Siuberpfiiu quetscht u los geits. Dr Bahnhof finge isch eis, se irgendwo im Parkhuus usela ou, das ganze innert ere Viertustung ke Sach, aber hueresiech sone Schneesturm wär nid nötig gsi! Item, Fröide herrscht, woni die Herre pünktlech ha chönne losla. Itz heimer da no e Speziauuftrag vo mire Muetter im Outo, wo uf Ipsach muess, das isch doch irgendwo chli meh rächts auses heizue gieng... Gfunge, aglüte, la lotse, abglieferet, paar Wort gwächslet, wieder use, ds Outo abbäselet, u witer geits. Über Land oder über d Outobahn? Isch öppe beidne Orte glich schnäu, oder glich langsam, bi däm Schnee, aber d Outobahn het weniger Kurve...
Auso, irgendwo bi Brügg geit me ufd Outostrass, es isch haubi achti. Mir gäbe mau am Z e Funk, es chönnt echli speter wärde... Viu speter, wüu dass die vor mir nid schneuer aus 40 fahre, chane irgendwie niemer übu nä. Lueg säuber!



I weiss, d Biudqualität isch nid überragend. Aber bi 20cm Schnee uf dr Fahrbahn, Sichtwiti unger 50 Meter u nacheme länge Tag hani nid no möge d Kamera füresueche... Jedefaus isches nach Lyss, uf dr zwöispurige Bahn, echli beser worde. Zersch hei paar mit 45 überhout, när mit 50, de mau mit 60... u irgendwenn ds Schüpfe simer so säubschtsicher gsi, dass mer glich wieder mit 70 oder so si gfahre. Es geit ja gradus, u weme früech gnue blinket u Spur wächslet, geit das scho. Isch emu gange.



Isch doch schön, oder?
Z Schönbüeu nach dr Outobahn isches de chli weniger schön gsi. Aber i bi unfaufrei uf Graferied cho, grad rächtzitig zum Znacht im KGH.
Aus witere zu däm Abe fingt me i yänis Blog , i ma grad nüm u ha Hunger Jedefaus si us dene zwöi Wuchenänd eis worde, trotz Schneesturm u nasse Socke, trotz Stromusfau u viu Gstürm a viune Höcke. U itz, woni wiess wie cool die Chuchine si, fröji mi no viu meh ufe Kurs. Natürlech hani am K aui Föteli uf CD brönnt, scho grad am Samstig Abe. Schliesslech hani nume für das die ganzi Zit dr Läptop drbi gha! *nicksmäilimach* U was hani scho wieder ufd CD gschribe? Irgendöppis à la "Da real FTA certified kitchen toolz in da Bélierhood" oder so. U was FTA heisst, isch e angeri Gschicht u söu es angers Mau vrzeut wärde.
Vilech gschider ersch nach Oschtere...
16.3.06 04:21


Dr Paul Klee het bschisse!

I mache ja im Mom?nt es Praktikum aus Mathlehrer, ire n?nte Sek-Klass. Letscht Donnschtig heimer ds Thema "?hnlechkeit/Zentrischi Streckig" sowit abgschlosse, mit ere Prob n?mlech, so heimer geschter es n?is Thema ch?nne afa: "Gr?sse/Lage/Form". T?nt ziemlech ?hnlech? Isches ou. U derzue l?ngwilig ufgmacht im Buech. Aber das muess ja nid heisse, dass es e l?ngwiligi Stung isch gsi!

"?berch?memer d Prob h?t zr?gg?" - Tschou z?me. Nei, d Lisa, wo isch si, w?r isch ?berhoupt d Lisa? Ah ja, sorry. D Lisa muess se n?mlech itz no schribe. S? da, viu spass. - "Merci, wirdi ha..." (N?bebi: Si isch di Beschti gsi. Viu z korrigiere hets nid g? bi ihre.)
Intressierts ?pper, wie dr ir Prob heit abgschnitte? - (Chor) "Jaaaaa!" - Auso, i s?genech eifach d Note, isch nech das r?cht, so i auer ?ffentlechkeit? - "Mhm..." - Auso: Im Augemeine guet, Durchschnitt vo fasch vierehaub, vier si ungn?egend gsi, u f?f hei es f?fi oder besser gha, das isch aube ou es guets Zeiche. Fabienne: vierehaub. Silvan: es dr???... Noga: Vierehaub. David: F?fehaub! Marlen: es vieri. Tobias: Dr?ehaub... Antonia: ...

So, ich m?chte mit euch ein neues Thema beginnen. Schliesslich haben wir vorl?ufig genug zentrisch gestreckt und pantografiert. Nehmt das Buch hervor, auf der Seite... - "Weles Buech?" - Emu nid ds Bonne Chance, C?dric!
De s?ue si mau chli Ufgabe drin l?se, aus Istieg. Plapperplapperplapper. - Und k?nnten die Damen auf der Fensterseite ihr Kaffeekr?nzchen auf die Pause verschieben? Danke. Das gilt auch f?r die Herren. G?u Stephan! - "Was?" - ?be, echli Rueh, das schaffsch no, oder?

Also, unterbrecht eure ?berlegungen, legt eurer Schreibmaterial beiseite. Antooooniaaaaa, das gilt auch f?r dich.
Wir haben da also ein Bild von Paul Klee. Ich lege das mal auf den Proki. Was sehen wir? ... Jonas? - "Dr?mau ds gliche, eifach chli vertr?it u ds einte vergr?sseret." - Kannst du das noch auf Hauchdeutsch wiederholen?

Also, vergleichen wir mal die beiden kleineren Teile. Wie stehen die zueinander? Li- nei, ou nid Marlen... Hiuf mer schn?u! - "Stefanie" - Stefanie, genau, merci. ?be, Stefanie, wie stehen die zueinander? - "Das eine ist um 90 Grad gedreht." - Genau. Zumindest scheint es so zu sein. Finden wir den Drehpunkt? Nicht? OK, dann nicht. Irgendwo hier (...) m?sste er sein.

Dann das obere kleine und das Grosse. Wer m?chte sich dazu ?ussern? schwige. (So stiu isches s?sch nie, ud Lisa wo d Prob no het m?esse nachehole isch sicher froh gsi drum ) Jan? - "Es ist um das Zweifache gr?sser!" - OK, kleiner Abschweifer in den Deutschunterricht. Wenn du sagtst, es ist um das zweifache gr?sser, heist das f?r mich, dass es dreimal so gross ist... Ist das einleuchtend? - "OK, es ist doppelt so gross." - Mhm, schauen wir mal. (Eh isches dopplet so gross!) Hmm, da scheint der Herr Klee gepfuscht zu haben. Das sind ein paar Millimeter zu viel. Egal. Ja, Noga? - "Es ist doppelt so gross und noch um den Faktor -1 gestreckt!" - sehr guet, auso da isch no e Punktspiegelig im Spiel, psst, nid ar Lisa verrate... Verdoppelt, und punktspiegeln, k?nnen wir das verkn?pfen? Statt zweimal nur einmal strecken? (Schwige) ... eh, wenn ich zuerst mit k = 2 strecke und dann noch mit k = -1, was gibt das? (Schwige) ... wenn ich etwas in den Taschenrechner eingebe, und dann zuerst mal 2, dann mal minus 1? (Dr Tobias grifft zum Tascher?chner. "Mau minus 2!" - Danke. Also dazu braucht es den Taschenrechner ja hoffentlich bald nicht mehr...
Also, eine Streckung um den Faktor minus 2. Wo w?re das Streckzentrum? ... Hier? Oder da dr?ben? - "Auf der Gerade zwischen zwei entsprechenden Ecken." Sehr guet Patric. Ich zeichne das mal. So. Finden wir es jetzt? - "Sie m?ssen noch zwei weitere passende Ecken verbinden!" - OK, machen wir das. So. Hier ist der Schnittpunkt, und wenn wir jetzt recht haben, ist das das Streckzentrum. dann k?nnen wir beliebige weitere Ecken verbinden, zum Beispiel... hups, jetzt ist es verrutscht, ?h, ja, also diese zwei... Und diese zwei... (gseht absolut katastrofau us, statt eim Schnittpunkt gits ?ppe f?f...) Hmm, was jetzt? - "sie haben nicht sch?n gezeichnet!" - Also im Normalfall zeichne ich sehr sch?n! Und so schlimm kann ich mit meinen Linien gar nicht daneben liegen, oder? (Doch. Egau.) Jaaa, an was k?nnte es dann liegen?
Noga, du hast uns das eingebrockt! (Sone entsetzte Blick h?tti ihre itz nie zuetrout! ) Du hast gesagt, es sei eine Streckung um minus 2! (Aui lache, sogar d Noga, i muess ere gloub chli h?ufe) Aber alle haben es geglaubt, oder? Ja, ist es denn keine? Was muss erf?llt sein, dass es eine ist? (...) (...) (...) OK, ich sags euch: Die Figuren m?ssen nicht nur ?hnlich sein, was sie ja vielleicht auch nicht sind, sie m?ssen auch entweder nicht oder um genau 180? gedreht sein. - "Das hani ou grad w?ue s?ge." - Zn?chste Mau schwigeni eifach no f?f Sekunde lenger, de hesch meh Zit zum di ?berwinde, Silvan... Also, stimmen denn nun unsere Voraussetzungen? wenn wir da mal das Geodreieck drauflegen, etwa so...


Ganz klar, dr Paul Klee isch e Schwaderi u Juflihung gsi, wo ke Ahnig vo Geometrie het. Mir heine posthum ?berf?ehrt. Ha haut schone gueti Klass...

Edit: So. hie w?r das verpfuschte Meischterw?rch:

modell 7a in Positions= und Formatwechsel , 1931, 6 (6)
Feder auf Papier auf Karton
61 x 37.2/38 cm
Zentrum Paul Klee, Bern
25.1.06 00:19


Prob u Schlüssufrage

Jaja, i weiss, isch lang h?r sit dr letschte Story. Eigentlech hani gar ke Zit meh zum hinech no schribe, aber me het ja schliesslech e tr?ji L?serschaft wome nid wott entt?sche...Blah Blah

Wo f?mer a? Ir Schueu? Die louft u louft, u i muess luege dass i no nachema. Morn muess i mi f?rne witere Schritt im Praktikum am?ude, f?rds dritte Fach, u am Zischtig fahni a ds zw?ite plane, wo de im Februar/M?rz wird loufe. I parallel derzue gibeni ja ou scho chli Schueu, auso ou Prak, u das git ?be ou nid weni zt?e. De s?tt me dr Stundeplan f?rds n?chste Semester afa plane, obwou dr erscht Entwurf nume im Aschlagchaschte z gseh isch und me ne niene cha abelade oder kopiere. So bl?d...
Drf?r hets ?berau so gueti Kollege, wome ?ber so spannendi Theme wie Ski Challenge cha diskutiere. es muess ja nid immer Hattrick si. U de louft eim ?ppe no dr St?ff ?bere W?g, u das choschtet ?s beid jedesmau mindischtens 10 Minute, bis mer enang wieder ?ber jede Schritt hei R?cheschaft abgleit, d?rek?tschet hei obs ?ppis n?is z tratsche git u letschtlech de enang no witerhin es guets Jahr ch?i w?nsche.

Item, Schueu, Part II: Tatort Rapperswiu, Donnschtig Morge, 08:20. Dr Lehrer betritt ds Zimmer, aui luegene l?ng a. "Guete Morge z?me." - "Gr?essech Herr Schwab." Dr Lehrer faht a Bletter verteile. "Ch?imerse nid z?me l?se?" So Rueh dert hinger, grad du wirsch weni z lache ha, so wie du d Ufgabe gmacht hesch u s?sch immer ufpasst hesch, dass de ou jaaa n?t verpassisch. Achtung fertig los.

Nat?rlech hani scho lang es schl?chts Gw?sse gha, dass i itz effektiv ou muess dr b? Ma ch?nne spiele, wo mit em Notemassstab de Sch?eler ufd Finger hout, we si nid spure. I gloube d Prob isch nid sooo schw?r gsi, aber ?be. Mittlerwile weiss i, dass nume ?ppe 4 oder 5 vo 18 ungn?egend si. extrem beruehigend.

Dr 17. Januar isch ou mau verstriche, u das isch doch dr Tag, wo am Michu sini Ferie af?. ?be dr Michu, wo sit letscht Oktober im Kosovo isch und dert Zit z Tod schlaht. Swisscoy seit me d?m. Am Mittwuch l?tet ds Telefon, ?r sig ir Stadt. Machemer doch im L?nggassst?bli ab. da gits nume es chlises Problem: Dr M?ssi? isch no schn?u ga Schi choufe u het ds Mietouto ufdr Sch?tz parkiert gha. Woner se het w?ue ilade, aues i Kofferruum, p?ng T?re zue - u dr Schl?ssu ligt guet sichtbar ufem Sitz. was itz? H?h?, es isch emu Donnschtig Namitag worde, bis de dr Schl?ssu-Express ersatz vo Z?ri glieferet het, nachd?m dr arm Siech vom TCS ou n?t het ch?nne usrichte. Aber w?ge d?m chame ja glich afe mau es Kafi ga n?, haut de ufem Heiw?g z Jegi, u die erschte Facts ustuusche.

Am Fritig Abe simer wie fr?echer aube ga Ch?geli m?pfe, u wie immer hei sech brillanti u gnietigi Minute i schn?uer Foug abgw?chslet. Jedefaus isches mau wieder t??r u sp?t worde. Am Samstig Abe heimer weni erfoug gha, es paar L?t z?meztrummle, wo unbedingt im Chrisi-Chino zu Wasserpfife-Geblubber hei w?ue paar Fiumli luege. Immerhin hani vorh?r ch?nne live dr zw?it Saisonsieg vo United mitverfouge, so dass i mi de ganz ha ch?nne ade Fiume u Michus Gschichtli widme... Wallace & Gromit heimer gluegt, Dir?ktimportiert usem Kosovo, aber immerhin uf D?tsch. U de no From Dusk Till Dawn, Teil 2 und 3. Zum Gl?ck weiss me bi dene Fiume vo Afang a, um was es eigentlech geit. Genau so wie ds 1 kes Gangster-Roadmovie isch, isch ds 2 ke Bank?berfau-Thriller u ds 3 ke Western - ir Mitti vom Fium isch me i d?m verh?ngnisvoue Lokau, u ds einzig Spannende (n?bscht dene zauriche G?gs) isch eigentlech: W?r ?berl?bt bis am Schluss?
23.1.06 01:19


Geburtstäg

Was f?rnes Wuchen?ndi... Grad bi zw?ine Geburtst?g bini iglade gsi (auso meh oder weniger). U de het ou d Schueu scho wieder agfange. Beidi.

Nachd?m mi d Sheila am Zischtig gfragt het, ob i am Fritig chiem cho billarde, heimer de bis am Donnschtig ch?nne usch?se, dass i w?rklech derbi bi und se am haubi achti w?rd abhole. De no d Andle u d Th?ler, u komplett isch ?ses Frouer?ndeli
Wies so geit, chr?zeni 3 Minute z sp?t bir Sheila uf. U de wartemer mau ufd Andle, w?u si doch (am Bach na) ungerw?gs sig zu ihre. Nachemne Telefon (ja dr Buti isch drum itz ersch zu mir cho, mir si no deheim), emne Abst?cher und ere entschuudigung vom Buti (tuet mer leid dass i so i ?ies damechr?nzli platze - chunnt ?ch dr L?ru ou? - Nenei, d? isch gloub dert d?re zueverl?ssiger aus dir zw?i) gits e N?iuflag vo Taxi 1-3 (i gloube immer no nid dass me ?ber Zollikofe schneuer isch aus ?berd Outobahn, scho gar nid, dass me 12 Minute speter cha im City West si), u scho simer p?nktlech im Billardch?uer.
Jaja, zum Gl?ck isch ou dr L?ru nid so zueverl?ssig. So simer haut de z s?chst u e gmischte Huuffe statt es Vierer-damechr?nzli gsi. Aber me cha ou so Fr?id ade Chugle ufem gr?ene Tisch ha. D Froue (auso die angere 3) hei de glich nid so viu zum Spiu bitreit, so dass houpts?chlech mir Manne ?ber Sieg oder Niederlag hei m?esse entscheide. Am 12i heimer doch no Gluscht nach emne Ch?nigschueche ?bercho. Auerdings simer zersch hurti is Neals gange, f?re ergscht Hunger. N?r zum L?ru hei ga chueche spachtle, u de mau heizue.

Am Samstig h?tti fr?ech ufm?esse: Am haubi eufi h?ttemer w?ue starte. Am viertuab z?hni het mi de d Muetter dra erinneret... D Grossmuetter isch 85i worde u drum heimer se mau wieder usgf?ehrt u si is Bahnh?fli z Worb dick ga ?sse. Dr Schoff?r (mini Muetter cha nid outofahre) isch de scho am z?h vor eufi parat gsi, u e knappi Haubstung speter simer z M?nsige bim Groseli gsi. Wie immer hets e Schissfr?id gha, derbi bini doch eigentlech no haub m?ed gsi... Ja ?be.
Am Nami simer de via Shoppy wieder heizue, u i ha ?ndlech ch?nne umsetze, was mi di ganzi Zit am Tisch ir Beiz besch?ftiget het: Wie spieleni g?ge FC BONITO? Us ere prinzipielle Ungerl?geheit giutets ds Beschte z mache und ds Gl?ck uf mini Site z zwinge. Aber au die strateie wonimer im Chopf ?berleit ha hei im Browser n?m so guet usgseh, drum bini bi mim Standard blibe, mit paar chline Rochadene. No chli mitem M?ttu liire (was louft hinech? - uf B?rn ga suuffe u de zum y?ni ga fiire...), mitem H?rmi debattiere wie mer dr Abe ch?nnte verbringe (Alien 1-4? Indiana Jones 1-3? Star Wars 1-6? eh chum, mir g? is Maximus eis ga suuffe u luege n?r witer!), ?ppis ?sse u de mau los...
Hingere PC Schliesslech chame sone Saisonuftakt nid eifach uf die liechti Schuutere n?! Am Schluss bini emu de gl?cklech gsi, und dr H?rmi het mi einisch meh nume usglachet.
Mir si doch de is Maximus (mau die Jegischtorfer Tenies chli ga ufmische) u hei ds Durchschnittsauter nid emau arg beiflusst. Nach emne Cuba Libre und emne Caipirinha heimer aber doch de no witer w?ue, no schn?u ga ds y?ni n?rve. Schliesslech het si no Nachhoubed?rfnis gha, w?u si a ihrem Geburi het m?esse Chuchi putze u nid emau am Abe het d?rfe fiire. Zwar isch de n?t us emne Eifr?nklerpl?schtierli aus Gsch?nkli worde, aber i ha zum Gl?ck no es auts verstoubets SBB-Plakat vor Wang grisse und Bananegas f?rd Wasserpfife derbi gha. ds y?ni het emu gloubs Fr?id gha, vilech ou nid, w?r weiss. Und dass me nid us heiterem Himu wiiblechi Partygescht mit "Hoi Schlampe" darf begr?esse, w?u d W?ut haut doch no nid sowit isch, weiss i itz ou...
Irgendwe isches wieder cheibe sp?t worde, u nachemne churze Taxi-Isatz (jepp, i bi f?r einisch r?cht troche blibe) simer de mau hei ga lige.

F?f achtu Sunntig speter (auso eigentlech nume dr haub) bini de wieder zue mer cho, liecht mudrig, w?ui doch sooooo viu h?tt w?ue mache. So hets haut nume gl?ngt f?r einisch vor Mitternacht z pr?pe (das heisst sogar scho vorem Volley) und dr Abe usw?rts verbringe. ?be zersch Volley, aut g?ge jung, u weme die Chline laht la gwinne seit me d?m Babysitte... N?r id Beiz, mit dr Sabine es Bier ga n? (isch gloub w?rklech no nie vorcho) u Pommfritt ga ?sse wo ds y?ni nid het w?ue zahle. U n?r ch?memer uf di dummi Ide, mer ch?nnte ja no dr Oli hei tue u luege wiener so wohnt mitem B. Uuuuh, si mir da wieder Umzugpl?n h?chcho... De irgendeinisch no wieder heizue, ungerw?gs ds y?ni useboxe, u de mau... Jaja, es isch nach Mitternacht gsi, glichwou, woni no ds Buech ha f?regno (auso es richtigs, meini), u no die zw?i Kapitu uf h?t ha gl?se (auso i meine l?se, u nid l?se).

U h?t fr?sch und munter wieder ab id Seck, zersch ad Uni, ga bl?ffe dass i ds Buech doch gl?se ha, n?r is Math, am Mittag via Z?hringer Migros (es Wienerli im Teig muess l?nge, mer si ja im Januarloch) uf Rappi d?set u Lektion 5 abgwicklet. F?r einisch si dr Praktilehrer u i nid ganz einer Meinig gsi, was itz di besseri Sequ?nz isch gsi, u drum isch d Nachbespr?chig ou mau echli l?nger gange. Aber n?chst Wuche gits de e Prob, hehe, das wird luschtig!
9.1.06 18:28


 [eine Seite weiter]



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung